Māori Grammar

Ka āhei te whakatū waka ki reira i waho o ngā hāora hokohoko.
You're allowed to park there outside of shopping hours.

Ko wai ka āhei te tautoko i muri?
Who is able to lend their support out the back (in the kitchen)?

Ko wai ka āhei ki te utu i tērā moni nui mō te whare?
Who is able to afford to pay that much for a house?

Kua whakahokia atu tana raihana, kua āhei anō ia te taraiwa.
He's got his license back, so he's allowed to drive again.

E āhei ana au ki te kawe i ētehi tamariki tokorima i tōku waka.
I can transport five kids on my car.

Kāore au e āhei te karanga, kua ngaro hoki taku reo.
I can't karanga as I've lost my voice.

E āhei ana au ki te taraiwa.
I can drive.

E āhei ana au te taraiwa.
I can drive.

Kāore au e āhei te karanga, i te mea kei te ora tonu taku whaea.
I am not permitted to karanga, as my mother is still alive.

Kāore au i āhei ki te kuhu atu, mā ngā mema anake.
I wasn't allowed to enter, it was for members only.

Mehemea nō konei koe, e āhei ana koe te tono karahipi i te Poari.
If you're from here, you can or are eligible to apply for a scholarship from the Board.

Kāore ngā tamariki e āhei ana ki te kōrero Pākehā.
The children are not allowed to speak English.

Kāore e āhei te inu pia, te kai paipa rānei, i konei.
Drinking or smoking is not allowed here.

Ka āhei tātau ki te haere ki te hui?
Are we allowed to go to the meeting?